Shaw + Smith M3 Chardonnay 2019 配粉絲肉蟹煲

天氣轉冷，係時候整返個惹味既煲仔菜黎配靚酒！「酒 · 入廚房 by Wine Deli」今次同大家介紹 Shaw + Smith M3 Chardonnay 2019 配粉絲肉蟹煲。

M3 Chardonnay，James Suckling 給予96高評分，確是Shaw + Smith的驚豔之作。飲過的人大都誤以為不是出自澳洲的，難以分辨出是新世界風格還是舊世界風格。濃郁白桃、杏子、白花、西柚，同時帶有核果跟橡木桶的香氣與風味。口感方面，清新優雅的中度酒體，具層次感，酸度均衡，餘韻美妙綿長，充分反映出阿德莱德山的涼爽型農作生長條件及釀酒師的獨特風格。

鮮明的果香和木桶所形成的核果風味與蟹肉真係襯到dum一聲，M3 Chardonnay略微的礦物味與肉蟹的濃厚鮮味更加相得益彰。講返轉頭，其實呢支M3 Chardonnay既複雜、結構平衡又完整，每餐淨係用黎襯吸收晒蟹肉鮮味既粉絲，於願足矣！

材料：肉蟹2隻大約兩斤、蒜頭一個、芫荽青蔥一札、粉絲三至四人份量、肥豬肉4兩

做法：蟹切件—>芫荽青蔥切段—>蒜頭剝皮分開—>肥豬肉切塊—> 粉絲用水浸軟，用兩湯匙蠔油、一湯匙麻油、一湯匙生抽、兩茶匙糖，撈粉絲致上色備用—>用煲中火落油、落肥豬肉炒至金黃—>落蒜頭、蔥白、芫荽近根部，炒香—>落兩茶匙生抽、一茶匙糖—>鋪蟹在煲中—>落兩茶匙料酒—>粉絲鋪喺蟹上面、再落剩餘芫荽同蔥在面，冚煲蓋焗20分鐘後撈勻即可上桌！

6/11/2020

See More @「Wine · Kitchen」Blog