Blog "Tahuna Sauvignon Blanc - Marlborough 配蒜蓉炒大蜆"

炎夏已過，要收埋支長相思 (Sauvignon Blanc)? 「酒 · 入廚房 by Wine Deli」今次教你一年四季「長相思」，同大家介紹 Tahuna Sauvignon Blanc - Marlborough 2019 配蒜蓉炒大蜆！

材料：大蜆一斤、芫荽兩札 (洗淨切段)、中芹一棵 (洗淨切段)、白酒300ml、蒜頭五粒 (切蓉)、黑椒碎半茶匙、牛油50g

做法：牛油中火煮溶 -> 落蒜蓉煮香 (喜歡食辣可落辣椒絲) -> 落一半芫荽(近根部) 一半中芹(近根部) 炒香 -> 落一茶匙鹽、兩茶匙糖 -> 落大蜆、白酒 -> 落黑椒碎、落剩餘中芹、芫荽上面冚煲蓋 -> 等待大蜆全部打開撈勻即可！

新西蘭馬爾堡 (Marlborough) 位於南島的東北端，是許多酒評家認為係世界上其中一個最佳生產長相思 (Sauvignon Blanc) 的酒區。因擁有海洋性氣候，日照時間長及晚間涼涼的海風給予葡萄漫長的成熟周期，增強了長相思的香氣範圍之餘又保留足夠酸度。

呢支 Tahuna Sauvignon Blanc 就係最好示範。帶有複雜濃郁的西柚、熱帶水果、醋栗等香氣，口感清新，酒體平衡，活潑既酸度既可以混和蒜蓉和芫荽香味，同時又可帶出大蜆細緻鮮味。所以話長相思永遠都係貝類海鮮既好拍檔！

22/10/2020